انهرده بقي يا شباب هنعرف ازي نفصل مشترك معين في وقت معين يعني ان يقوم السيرفر بفصل مشترك معين تلقائيا وده طبعاً بعد ما نقوم بتوصيفه علي السيستم الخاص بالسيرفر
والكود ده بنستخدمه لما بنحب نعمل نظام في الشبكه وشويه حركات عشان تخلي المشتركين بتوعك يدورو عليك عشان يدفعو الاشتراك خاصتاً ان اليومين دول المشتركين بقفلوا هواتفهم علي ميعاد سداد القسط الشهري
اولاً هنعتبر ان عندنا يوزر اسمة sheroo هنقوم بعمل التجربه عليه وهنقوم باضافته في قائمه اليوزرز
ثانيا هنقوم بالدخول علي قائمة system وبعد كده scheduler
وبعد كده هنقوم باضافه جدول زمني جديد عن طريق علامة الاضافه الموجود بالشكل ده +
هنقوم بتحديد ميعاد فصل الانترنت باليوم والساعه وهنقوم بكتابه الكود في المكان المخصص والمسماه on event
ip hotspot user disable sheroo
هتلاحظ ان عند الميعاد المحدد تم ايقاف الحساب المسمي sheroo
ولكن اذا كان شيرو في قائمة ال active فسيظل يعمل الي ان يقوم باغلاق جهازه
واذا اردت ان تقوم بقطع النترنت في الحال وتبقي عملت مع شيرو الصح هنضيف كود بعد الكود اللي عملناه في on event
ip hotspot active remove[/ip hotspot active find user=sheroo]
وبكده شيرو مش هيشتغل الا لما يدفع الفلوس اللي عليه
يا رب يكون الموضوع عجبكم
والمره الجايه ان شاء الله هنعمل حاجه جديده هنعمل رسائل الي المشتركين اللي متاخرين في الدفع
بنقول لهم عيب عليك ....ادفع اللي عليك يا شيرو